আজি জন-জীৱনৰ সাৰ পোৱা আশাই
প্ৰকাশ বিচাৰে মোৰ ভাষায় ভাষায় ৷
সেই আশা বিজুলী প্ৰবাহ
মই লিখা শবদত বয়,
সেইহে কবিতা মোৰ হ’ল
অগ্নিময় ৷
সেই বিজুলিয়ে জিলিকাই আজি
অযুত অযুত চাকি
পৃথিৱীৰ ঘৰেঘৰে
জন প্ৰগতিৰ ৰথৰ চক্ৰ
সেই বিজুলিৰে ঘূৰে ৷
ভৱিস্য জয় কৰে ৷
প্ৰাণত কম্প তোলে
মহা জনতাৰ
সেই বিজুলীয়ে আজি হানি হানি
বজ্ৰাঘাত
ভাঙি দিয়ে হিমালয় মহা জড়তাৰ
৷
(জ্যোতিপ্ৰসাদ
আগৰৱালাদেৱে ৰচা গীত; ২৯/০৮/১৯৪৮)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment