তোৰে মোৰে আলোকৰে যাত্ৰা

তোৰে মোৰে আলোকৰে যাত্ৰা

                        অব্যৰ্থ অব্যৰ্থ

আমি পালোঁ জীৱনৰ অৰ্থ অভিনৱ

                        স্বাগত স্বাগত সতীৰ্থ !

সেউজীয়া জীৱনলে’ জাগৃতি ছন্দ

আহে আহে

জনতাৰ অন্তৰে অন্তৰে

আলোক বসন্ত হাঁহে হাঁহে ৷

প্ৰচাৰিত আলোকবাণী

আগবাঢ়ে যুগাগ্ৰগ্ৰামী তৰুণ সেনানী

আজি সমৃদ্ধ বেগে

জাগে জাগে বিপ্লৱী প্ৰাণ

মুখৰিত দিশে দিশে অগনি গান ৷৷

(জ্যোতিপ্ৰসাদ আগৰৱালাদেৱে ৰচা গীত)

(ইউনিক’ড ৰূপান্তৰ:  দিগন্ত শইকীয়া)