অনুসন্ধান আকাংক্ষাত

Friday, June 22, 2012

কাৰ অন্ধ চকুত


কাৰ অন্ধ চকুত

          জ্বলিছে দিব্যমণি

গন্ধবিভোৰ কোন বলিয়াই

          আঁউসী নিশা

          লেখ লেখিছে

                   তৰা গণি গণি

                   জ্বলিছে দিব্যমণি ৷


কোন নোপোৱাই ওআইছে সোণৰ খনি

খুদ বিচৰা কোন ভিকহুৰ

          স্বপ্নত মিলে ননী ৷


আজি, মৰুভূমিৰ শুকান বালিত

          ফুলিছে গোলাপ পাহি

চিৰ বেজাৰৰ

          ওঁঠত জিলিকে

                   আগেয়ে নোপোৱা হাঁহি

সুৰৰ গানৰ

          মোল নুবুজাই

                   বজাই মোহন বাঁহী

জগত উঠে হাঁহি ৷৷        
     

(জ্যোতিপ্ৰসাদ আগৰৱালাদেৱে ৰচা গীত)
(ইউনিকড ৰূপান্তৰ:  দিগন্ত শইকীয়া)

No comments: