আমি কৰিব লাগিব পৃথিৱী আলোকময়....
জ্ঞান-বিজ্ঞানৰ
সকলো ধৰ্ম্মৰ
নানা আদৰ্শৰ নানা বিভেদৰ
কৰিব লাগিব মহান সমন্বয়,
মহামহত্বৰ বিৰোধী আসুৰী
সকলো শত্ৰু কৰিব লাগিব জয় ৷
এই পৃথিৱীলৈ আনিব লাগিব
মহত্বৰ মহাজয়,
কৰিব লাগিব গোটেই জগত
অমৃত, আনন্দময় ৷
মানুহ ফুলিব লাগিব বিকশি
কৰিব লাগিব বিশ্বখনকে
স্বৰগী সুৰভিময় ৷
জয় হওক পোহৰৰ জয়
জয় হওক মানৱৰ মহত্বৰ আদৰ্শৰ জয়
চিৰমঙ্গলৰ, চিৰকল্যানৰ
জগতৰ এই মহাবিকাশৰ
হওক যুগে যুগে জয়
চিৰসুন্দৰৰ জয় ৷৷
(জ্যোতিপ্ৰসাদ
আগৰৱালাদেৱে ৰচা গীত)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment