অনুসন্ধান আকাংক্ষাত

Saturday, June 16, 2012

অকলশৰীয়া বুলি কোনে ক’লে


অকলশৰীয়া বুলি কোনে কলে ?

          মিছাকৈয়ে মুকুতাৰ ধাৰে বলে

                   চকুলো তোৰ

          পোহৰ বিচৰা প্ৰাণৰ বৰাগী মোৰ ৷


তোৰ ভিতৰে বাহিৰে আছে

                    তাকে আঁকোৱালি

          তোৰ চিৰসখা চিৰসুন্দৰ


তোৰ, প্ৰাণে মনে ব্যাপি আছে

          তোৰ চিৰলগৰীয়া

                   যুগ যুগান্তৰ ৷


ৰূপে ৰসে গানে গন্ধে

          সুৰ-শবদৰ ছন্দে ছন্দে

                   বিচিত্ৰ প্ৰবন্ধে

          তোৰে সতে কত কথা তাৰ


অনন্ত সংখ্যাত যি এটি ৰূপ ধৰে

          সিয়ে তোৰ লগৰীয়া

                   পুৱা দুপৰীয়া সন্ধিয়াৰ

                   আঁউসী নিশাৰ ৷৷


[জ্যোতিপ্ৰসাদ আগৰৱালাদেৱে ৰচা গীত, তামোলবাৰী (০৯/০৯/১৯৪৮)]
[ইউনিকড ৰূপান্তৰ:  দিগন্ত শইকীয়া]

No comments: