অনুসন্ধান আকাংক্ষাত

Thursday, June 28, 2012

জানো জানো জানো বিফলে নাযায় (নাটক : নিমাতী কইনা)


জানো জানো জানো

বিফলে নাযায় মোৰো গানো ৷


মোৰ যত অশ্ৰুজল

            তীৰ্থ জলেৰে মিলি

            উজলিব পৃথিৱীৰ

            কোষায় কোষায়

                        জানো জানো জানো  ৷


মোৰ যত অভিনৱ গান

বিকশিত কমলৰ গন্ধ সমান

                        জানো জানো

                        জগাব সি বিশ্বৰ প্ৰাণো ৷


অকলশৰীয়া সেই পুৱতিৰ তৰা

আপোনাৰ গানতেই আপুনি বিভোৰা

            ঊষাৰ কোলাতৰ মাৰ যায়

            পোহৰত হাঁহিটি মিলাই

                        জানো জানো জানো

                        বিফলে নাযায় তাৰো গানো ৷


জাগা অভিনৱ ছন্দে

            মৌন মুগ্ধ যত শব্দ কমল দল

                        কণ্ঠে কণ্ঠে অৰ্ব্বুদ বৃন্দে

জাগা অমৃত সুৰবাণী পৰমানন্দে ৷৷



(জ্যোতিপ্ৰসাদ আগৰৱালাদেৱে ৰচা গীত)
(ইউনিকড ৰূপান্তৰ:  দিগন্ত শইকীয়া)

No comments: