জাগা জননীৰ সন্তান
জাগা শক্তিমান জাগা মুক্তিপ্ৰাণ ৷
মৃত্যু গছকি আনা জয়জিনি
কৰি দুৰ্জ্জয় অভিযান ৷
কৰ্ম্মহীনতা কাপুৰুষতাই
তোমাক কৰিলে জয়
তুমি দুৰ্ব্বল ম্ৰিয়মান
তথাপিও নাই ভয়..
জাগা শক্তিমান জাগা মাতৃপ্ৰাণ ৷
শক্তিগায়ত্ৰী মনত পেলোৱা হবা দুৰ্নিবাৰ
তেতিয়া তোমাৰ জয় নিনাদত শত্ৰু কম্পমান ৷
অ’ মোৰ আপোন
পাহৰা দুৰ্ম্মদ বীৰ
অজেয় নৱ-জোৱান
জাগা শক্তিমান জাগা মাতৃপ্ৰাণ ৷৷
(জ্যোতিপ্ৰসাদ আগৰৱালাদেৱে ৰচা গীত)
(ইউনিক’ড ৰূপান্তৰ: দিগন্ত
শইকীয়া)
No comments:
Post a Comment