সংগ্রাম যদি
জীৱনৰ এটি নাম
(সেই) সংগ্রাম
হওক তোৰ প্রিয়
দুই হাতে চকু
দুটি ঢাকি ধৰি তই
অকলে’ উচুপনো কিয় ?
আঘাতেই যদি
তোৰ জীৱন পথত
নিতে নিতে
সহচৰ হয়
বেদনাই যদি
নিষ্ঠুৰভাৱে
অকালতে আনে
পৰাজয়
(তেনে)
সংগ্রাম কৰি কৰি আকাশলে’ চাই
থিয় তই নহৱনো
কিয় ?
চহৰে নগৰে
গাঁৱে পথে-ঘাটে পথাৰে
সমদল দেখিছ নে
নাই
তোৰ দৰে
হেজাৰে চিঞ্চৰি চিঞ্চৰি সৌৱা
আগবাঢ়ে পৃথিৱী
কঁপাই
যি তই নাপালি,
কাঢ়ি কিয় নানিলি
ইঙ্গিত
নুবুজাটো হৱ !
(মোম্বাই, দহ
আগষ্ট ১৯৮০ চন)
(ভূপেন
হাজৰিকাদেৱৰ কন্ঠেৰে নিগৰিত গীত)
(ইউনিক'ডীয়
ৰূপান্তৰ - দিগন্ত শইকীয়া)
No comments:
Post a Comment