টিহু হ’ল তোমাৰে নামে , হওক আনন্দ তোমাৰ
লখিমী পথাৰৰ পৰা
কৰোঁ নমস্কাৰ ৷৷
বড়ো ভাষাৰ ‘ডিহু’ শৱদহে , বিষ্ণু ৰাভাই কোৱা
‘ডি’ মানে পানী আৰু ‘হু’ মানে বোৱা হে
‘ডিহু’ ক্রমে ‘টিহু’ হ’ল হে , টিহু নদীৰ পাৰে
বাণীকান্ত
কাকতীয়ে কয় বাৰে বাৰে ৷৷
ভূটান গিৰিৰ
পাদদেশতহে আছিল এখন বিল
তাৰে পৰা
ভালুকদঙা বৈ আহিছিল ৷৷
শিৰা নদী নাম
ধৰি এ , কিছু দূৰ বলে
এহি অঞ্চল ভ্রমি
ভ্রমি নখান্দাত মিলিলে ৷৷
টিহু নদী সৰু
নদী হে , সৰু হ’লে কিনো হ’ল
জলধাৰাৰ পাৰে
মহান কৃষ্টি পৰি ৰ’ল ৷৷
টিহু নদীৰ দুয়ো
পাৰে হে জীৱন দিয়া সাৰ
সোণালী ধান শস্য
আৰু সৰিয়হ অপাৰ ৷৷
উত্তৰতে শোভি
আছে ভূটান-পূব-ক্ষেত্র
দক্ষিণতে বৈ আছে
বাবা ব্রহ্মপুত্র ৷৷
বৰমা আখৰা স্থান
হে পূৰ্ব দোশে আছে
পশ্মিমে বজালীৰ
কিছু অংশ বিৰাজিছে ৷৷
টিহু নগৰ
কেন্দ্র কৰি এ , মুঠ মৌজা সাতোখন
বাস কৰে জনজাতি
নানা জাতিৰ মন ৷৷
‘বাগ্ চা’ শব্দই ভূটীয়া ভাষাৰ দুৱাৰ মুখ বুজায়
উত্তৰে ‘বাস্কা’ অঞ্চল সেয়ে নাম পায় ৷৷
চতুৰ্দ্দশ-পঞ্চদশ
শতিকাত হয় , ভোট-বড়োৰ ৰণ
প্রমান ৰূপে
বৰবৰীৰ হয় নামকৰণ ৷৷
মঠ-মন্দিৰ-সত্র-দেৱালয়
আছে নানা বিশ্বাসৰ
শাক্ত বৈষ্ণৱ
শৈৱ ভক্তৰ এহি স্থানে ঘৰ ৷৷
গন্ধৰ্ৱৰায়ক
আজ্ঞা দিলে এ হে গুৰু মাধৱদেৱে
মনোহৰে আজ্ঞা
পালে এ , শ্রীদামোদৰ দেৱৰ ৷৷
সেয়ে হৈছিল
স্থাপনা শিঙৰা সত্রৰ
সন্তদেৱে পাতি
দেলা হে সন্ধেলা গাঁও সত্র ৷
সন্ত মাধৱ
কন্দলীৰ তৃতীয়জন পুত্র ৷৷
শঙ্কৰদেৱৰসময়ৰে
হে এ বাসুদেৱ চৌধৰী ৷
সৎসঙ্গী সত্র
পাতে গুৰুক প্রণাম কৰি ৷৷
তেৱেঁ কৰে
প্রতিষ্ঠা এ , ৰজা নৰনাৰায়ণে
শিৱসিংহই মানি ল’লে হৰষিত মনে ৷৷
নিষ্পিখেৰাজ ধৰ্ম্মোত্তৰ হে , মাটি দিছিল ইংৰাজে ৷
সেহি সত্রত
গুৰুসেৱা আজিও বিৰাজে ৷৷
ফুলশ্বৰী
কুঁৱৰীৰ হে এদিন সুতিকা ৰোগ হয় ৷
ভৱ কান্ত
ভট্টাচাৰ্য্যই কৰে নিৰাময় ৷৷
শিৱসিংহ
স্বৰ্গদেৱে হে তুষ্ট হৈ অতি
তামৰ ফলি কৰি
দিলা আৰু দিলা মাটি ৷৷
খানাৰ মাজ
সত্রখানি এ , পৱিত্র দামোদৰী
শ্যামৰায়ৰ
বৈষ্ণৱ ধৰ্ম্ম আছে ই প্রচাৰি ৷৷
শাক্ত ধৰ্ম্মৰ
নিদৰ্শন এ, বহু কালী মন্দিৰত
কঠালঘৰ, পাটিকৰা মঠুৰাপুৰ গাঁৱত ৷৷
হৰিভাঙাৰ
কামাখ্যা এ, য’ত শক্তি পূজা হয়
হেল্ চাপাৰাৰ
বিষহৰিত ভক্তই আশিষ লয় ৷৷
স্থানে স্থানে
শৈৱ ধৰ্ম্মৰ এ, হে নিদৰ্শন চোৱাঁ ৷
প্রমাণ আছে ভদ্ৰকুচি পৰমাণ খোৱা ৷৷
আহোম ৰজাৰ দিনতো এ, বহু পুখুৰী খনাই
টিহু অঞ্চল
সজাইছিলা তৃষ্ণা গুচুৱাই ৷৷
টিহু থানাৰ মাজ
সত্রৰ এ, কাঠৰ বিগ্রহ ধৰি
ধাতুৰ গঢ়া বুলি
মানে নিলা চুৰ কৰি ৷৷
পিছে কাঠৰ বুলি
জানিয়া এ হাতখন ভাঙিলা
সেই কাঠৰ বিগ্রহ
আজিও সত্রত শোভা পাইলা ৷৷
আৰু কত বুৰঞ্জী
এ টিহুত লুকাই আছে
আজিৰ সভাৰ
পণ্ডিতসৱে উদ্ধাৰিব পাছে ৷৷
দুই কুৰি তিনি
বছৰ হ’ল আজি সাহিত্য সভাৰ
তাতে আহি ধন্য
হয় ভূপেন্দ্র গীতিকাৰ ৷৷
নিৰৱ সাধক
পণ্ডিত প্রবৰ এ, শ্রী শৰ্ম্মা যজ্ঞেশ্বৰে ৷
আজি, অসমীয়া সাহিত্যৰ দিগ্ ৰ্শন কৰে ৷৷
সাৰদা বৰদলৈ আজি
হে আমাৰ পূজ্য নাট্যকাৰ
ৰামদাসে গুৰি
ধৰে গল্প লিখোঁতাৰ ৷৷
আজি মালিক বহে , কবি বহে হে , নৱ পদ্মভূষণ
নিৰ্ম্মাল
প্রভাই হাঁহি আছে শুৱাই সভাখন ৷৷
(আকৌ) মালিক বহে নৱ বহে এ আৰু নিৰ্ম্মাল
প্রভা
হিন্দু মুছলমান
বহে , বহে বড়ো ৰাভা ৷৷
সুভাষ
মুখোপাধ্যায় আজি হে আমাৰ মাজত আছে
বঙ্গ অসমৰে সেতু
কৱিতাৰে ৰচে ৷৷
অসমৰে
যোগ্যপুত্র এ শ্রীফকৰুদ্দিনে
টিহু নগৰ
নামিলেহি একচক্র বিমানে ৷৷
বৰপেটাৰ
প্রতিনিধি এ শ্রীফকৰুদ্দিন নাম
ৰাষ্ট্রপতি হৈয়ো
কৰে টিহুক প্রনাম ৷৷
(লখিমীপথাৰ,টিহু,দুই ফেব্রুৱাৰী,১৯৭৬, টিহুত বহা অসম সাহিত্য সভাৰ ৪৩ তম
অধিবেশন উপলক্ষে ৰচা)
(ইউনিক'ডীয়
ৰূপান্তৰ - দিগন্ত শইকীয়া)
No comments:
Post a Comment