আজি আকাশৰ শেষ হ’ব পাই
শেষ বাৰিষাৰ গান
!
দিখৌ নৈৰ বুকুতে
সেয়েহে আহিছে
শেহতী বান ৷
কলিয়া ডাৱৰৰ
চকুপানী টোকা
কান্দোন পৰিলে
ওৰ !
আকাশত উৰিলে
কপাহৰে জোলা
বাজিছে ৰঙৰে সুৰ
৷
উপঙি আহিলে
লেশ লউ
পৰুৱা
শুকাব বাঢ়ণি
পানী !
পালেহি খৰালি
তাৰেহি বাতৰি
দিলেহি আনি;
ডাৱৰৰ যুজতে
সূৰুয জিকিলে .. !
এন্ধাৰ কৰবালে গ’ল !
পোহৰৰ কাড়েৰে
ডাৱৰ সৰকালে
বতৰ ফৰকালে হ’ল ;
আজি আকাশৰ শেষ হ’ব পাই
শেষ বাৰিষাৰ গান
!
দিখৌ নৈৰ বুকুতে
সেয়েহে আহিছে
শেহতী বান ৷৷
(ভূপেন হাজৰিকাদেৱৰ কন্ঠেৰে নিগৰিত গীত)
(ইউনিক'ডীয় ৰূপান্তৰ - দিগন্ত
শইকীয়া)
1 comment:
ভাল লাগিল ইমান সুন্দৰভাৱে গানটিৰ শাৰীবোৰ আগবঢ়োৱাৰ বাবে৷ আটাইতকৈ ডাঙৰ কথা, নিৰ্ভুলভাৱে৷
Post a Comment