অলৌগুটি তলৌগুটি
কোন ক’ত লটি-ঘটি
কচুপাতত লাই
যি হাতে আঙঠি নাই
সেই হাতে কেনেকৈ পায় ... ঐ ৰাম
সেই হাতে কেনেকৈ পায় ?
ৰৌ, কুঢ়ি, চেনিপুঠি
চিতলৰে কলঠি
লগতে শাক লফা লাই
কি ক’ত বিচাৰি গৈ
কোনে হাবাথুৰি খায় .. ঐ ৰাম
কোনে হাবাথুৰি খায় ?
কোন মৎস্যকন্যা এহি ... ঐ ৰাম
আঙঠি হেৰুৱালে ..... ঐ ৰাম
পানী তুলিবলৈ গৈ ..... ঐ ৰাম
পানী তুলিবলৈ গৈ
চিক্ মিক্ আঙঠি ... ঐ ৰাম
দৰিদ্রজনৰে ...... ঐ ৰাম
গৃহ উজলালে গৈ .. ঐ ৰাম
গৃহ উজলালে গৈ ৷
কোন ক’ত আছাঁ
সোণৰে সদাগৰ ?
দৰদাম কৰাঁহি চাই
সোণাৰি শালতে বহি
শিলৰে পাটতে ঘঁহি
সোণৰে আঙঠি কিনা
নেপাবা দুনাই ৷৷
(কথাছবি : শকুন্তলা, ১৯৬১ চন )
(ভূপেন হাজৰিকাদেৱৰ গীত)
ইউনিক'ডীয় ৰূপান্তৰ : দিগন্ত শইকীয়া
No comments:
Post a Comment