অনুসন্ধান আকাংক্ষাত

Tuesday, April 10, 2012

মনত আছে নে


মনত আছে নে ?
দৰিকা দিচাঙে পানী বাঢ়ি গলে
ময়ো বৰ এজনী হলো
তোৰে সতে সাঁতুৰি থাকোঁতে
বাইদেউৰ কতনে শপনি খালোঁ
মনত আছে নে বোলো আছে নে ?

ৰাতিৰে ৰেতিটো সপোন দেখিছিলোঁ
মনতে পাতি তোক দৰা
কুকুৰাৰ ডাকতে তোকে যে কলো গৈ
সপোনটো প্রথমৰে পৰা
মনত আছে নে বোলো আছে নে ?

থুৰিয়াই থুৰিয়াই তামোল কাটিছিলোঁ
মাজতে ভৰাইছিলোঁ লং
তোলৈ আহিম বুলি কাপোৰ ধুই দিছিলোঁ
মনত লগাইছিলোঁ ৰং
মনত আছে নে বোলো আছে নে ?

গাঁওখন এৰি তই কলৈনো গলিগৈ
সমিধান নিদিয়া হলি
তোক এই বিহুতে বৰিব নেপালে
কৈছিলোঁ মৰিমেই বুলি
মনত আছে নে বোলো আছে নে ?

(কলকাতা,৫ ফেব্রুৱাৰী, ১৯৮২ চন , লতা মঙ্গেছকাৰে গাবৰ কাৰণে ভূপেন হাজৰিকাদেৱে ৰচা)
(ইউনিক'ডীয় ৰূপান্তৰ - দিগন্ত শইকীয়া)

No comments: