কাশ্যপ ঋষিৰ
আশ্রমখনি
(আজি) জ্যোতিষ্ম্মান হ’ল
মেনকাই কন্যা
শকুন্তলাক
মৰতত সমৰ্পি গ’ল
উমলি আহোঁগৈ ব’লা
অ বাছা শকুন্তলা
!
শঙ্খ বজোৱাঁ, দিয়াঁ উৰুলি
আনন্দে নধৰে
হিয়া
প্রকৃতি কোলাতে
ধেমালি মগন
শিশুটি আলফুলীয়া
উমলি থাকোঁগৈ ব’লা
অ বাছা শকুন্তলা
!
বনানী পালিতা
শকুন্তলাৰ
সঙ্গী বন পশু
পক্ষী
মৃগ শিশু
সঙ্গেনিতে বাঢ়ি যায়
বনানীৰ তাই
উৎপলা
ৰূপহী শকুন্তলা
৷
নৱমল্লিকাৰে
কোমল কলিটি
ধীৰে প্রস্ফুটিত
হ”ল
কৈশোৰ পাৰ হৈ
শকুন্তলাও
পূৰ্ণযৌৱনা হ”ল
মালিনীত স্নান
কৰো বলাঁ
অ আই শকুন্তলা
৷৷
(থিয়েটাৰ নাটক: শকুন্তলা, ১৯৮৪ চন )
(ইউনিক'ডীয় ৰূপান্তৰ - দিগন্ত
শইকীয়া)
No comments:
Post a Comment