পাহাৰ – ভৈয়ামৰ সঙ্গম থলীতে
বন্ধু এজন মোৰ আছিলে এদিন
পাহাৰ – ভৈয়ামৰ সঙ্গম থলীতে
বন্ধু এজন মোৰ আছিলে এদিন
ৰ’দালিৰে ভৰা সেই সোণালী সুদিন !
একেলগে একেলগে খেলা পুৱা-গধূলি বেলা
সেই শান্ত পাহাৰ.. সেই ধ্বনি নিজৰাৰ
একেলগে বজালোঁ যে বীন
সোণ সৰি পৰা সেই সোণালী সুদিন
ৰ’দালিৰে ভৰা সেই সোণালী সুদিন !
ওখ ওখ শালবনৰ .. ছায়াৰ দেশত
মেঘ আৰু কুঁৱলীৰ কোমল খেলাৰ মায়াৰ দেশত,
গোন্ধ বাৰুদৰ কত নিহত জনৰ !
গোন্ধ বাৰুদৰ কত নিহত জনৰ !
কেঁচা তেজেৰে
দেখোঁ পৃথিৱী ৰঙীন
কেনিবা হায় উৰি
গ’ল সোণালী সুদিন ...!
পাহাৰ আৰু
লুইতৰে .. আকাশ তলিত
তুমি বজোৱা
চিফুং বাঁহীৰ .. প্রতিধ্বনিত !
তুমি আৰু মই .. সমভাগী হৈ
তুমি আৰু মই .. সমভাগী হৈ
পুনৰ আনো আহাঁ
সোণালী সুদিন
ৰ’দালিৰে ভৰা সেই সোণালী সুদিন.. !
পাহাৰ – ভৈয়ামৰ সঙ্গম থলীতে
বন্ধু এজন মোৰ আছিলে এদিন
ৰ’দালিৰে ভৰা সেই সোণালী সুদিন !
সোণ সৰা সেই সোণালী সুদিন
ৰ’দালিৰে ভৰা সেই সোণালী সুদিন !
সোণ সৰা সেই সোণালী সুদিন !!
(ইউনিক'ডীয় ৰূপান্তৰ - দিগন্ত
শইকীয়া)
(ভূপেন হাজৰিকাদেৱৰ কন্ঠেৰে নিগৰিত গীত)
(১৯৮৯ চন)
No comments:
Post a Comment