ঘৰ আমাৰ মাটি হয়

(ঘৰ আমাৰ মাটি হয়

মাটিয়েই ঘৰ

বাটেই আমাৰ আপোন হয়

আপোনেই পৰ) - ২

-

এটি মিঠা জীৱন

এটি জীৱিকাৰ বাট

ৰাজপথে  এৰা বাটে

এষাৰি মৰমী মাত ..

বিচাৰোঁতে দিন যায়-২

কৰি দাম দৰ ৷

ঘৰ আমাৰ মাটি হয়

মাটিয়েই ঘৰ

বাটেই আমাৰ আপোন হয়

আপোনেই পৰ 

-

চোৰাং ক’লা বজাৰতে

বহু ক’লা ধন পাবা,

এন্ধাৰ এন্ধাৰ গুদামতে

কুবেৰৰো ধান পাবা

(তেনে পাপী কুবেৰৰ

নহও আমি অনুচৰ) - ২

খাটি খাটি নিকা অৰ্জ্জা

দুটি শুদা নিকা ভাত

এযোৰ মাথোন কাপোৰ

থাকে যদি এই গাত

তেতিয়াই পাওঁ দেখোন

প্রেৰণা মনৰ ৷

(ঘৰ আমাৰ মাটি হয়

মাটিয়েই ঘৰ

বাটেই আমাৰ আপোন হয়

আপোনেই পৰ) - ২. ।।

(কথাছবি: চিকমিক্ বিজুলী , মুকেশৰ কন্ঠেৰে নিগৰিত , ১৯৬৯)

(ইউনিক'ডীয় ৰূপান্তৰ - দিগন্ত শইকীয়া)