অনুসন্ধান আকাংক্ষাত

Tuesday, April 10, 2012

জ্ঞানীজনে কয়


কথা:               জ্ঞানীজনে কয় ... কি কয় ?
গীত:               জ্ঞানীজনে কয় ...
                        শৃগালৰ জাক জাক
                        সিংহৰ এটাই ভাল
                        হেন জানি ভাৱি গুণি
                        হে নৱ দম্পতী
                        সীমিত কৰাঁ পৰি্যাল ৷
                        পৰিয়াল পৰিকল্পনা মাথোঁ
                        গৰ্ভ নিৰোধ আঁচনি নহয়
                        ই মাতৃ আৰু শিশুৰ সমানে
                        স্ব নিৰাপত্তাৰে হয় ৷
কথা:               জ্ঞানীজনে কয় ... কি কয় ?
গীত:               জ্ঞানীজনে কয় ...
                        শৃগালৰ জাক জাক
                        সিংহৰ এটাই ভাল
                        হেন জানি ভাৱি গুণি
                        হে নৱ দম্পতী
                        সীমিত কৰাঁ পৰি্যাল ৷
                        ধৰালৈ আনিলে প্রতি শিশুৱে
                        মানৱৰ প্রাপ্যৰ লব অধিকাৰ ৷
                        সেই কিঞ্চিৎ প্রাপ্য দিব যদি নোৱৰাঁ
                        কিয় কৰাঁ মিছা অঙ্গীকাৰ ৷
যিটো শিশু আজি জন্ম দিলাঁ
কথা:               কিম্বা কালি দিবা .. তাৰ কথা ভাবিবা এবাৰ ৷
গীত:               যিটো শিশুৰ আজি জন্ম দিলাঁ
                        সন্মান কৰাঁ তাৰ সত্তা ৷
                        তাকে দিয়া শাৰীৰিক
                        মানসিক আৰু গিয়ানৰ
                        স্ব নিৰাপত্তা
                        অবাঞ্ছিত আছে আধিকাৰ ৷
কথা:               হয়টো অধিকাৰ আছে !
গীত:               পিচে ,  মিঠা শিশুৰ পৰিয়াল , আঁচনি কৰিলে
                        তোমাৰ জানো হব কিবা কাল ?
                        হিন্দু খ্রীষ্টান শিখ বৌদ্ধৰ
শাস্ত্রই দোহাৰে সত্য হেজাৰ
পৰিকল্পিত সন্তানৰ প্রতি
প্রতি দম্পতিৰ আছে অধিকাৰ ৷
আব্বু চৈয়দ আয়ুবৰ নামতে
হজৰত মহম্মদে জীৱনকালত
জন্ম নিয়ন্ত্রন কৰাৰ সপক্ষে
উপদেশ দিলে মুছলিম সমাজক ৷৷
পৰিয়াল- পৰিকল্পনাৰ ..
যাক দিলাঁ জন্ম
কথা:               যাক দিলাঁ জন্ম কিম্বা কালি দিআব;
তাৰ কথা ভাবিবা এবাৰ ৷
গীত:               এই বিশ্বৰ সভাত সুযোগ্য কৰাৰ
                        যদি কৰাঁ অঙ্গীকাৰ ৷
কথা:               সেয়া জ্ঞানীজনে কয় ...কি কয় ?
                        জ্ঞানীজনে কয় ...
                        সিংহৰ এটাই ভাল
                        হেন জানি ভাৱি গুণি
                        হে নৱ দম্পতী
                        সীমিত কৰাঁ পৰিয়াল ৷

(ভূপেন হাজৰিকাদেৱৰ কন্ঠেৰে নিগৰিত গীত)
(ইউনিক'ডীয় ৰূপান্তৰ - দিগন্ত শইকীয়া)

No comments: