সঁজা এৰি পখী উৰি
সঁজা পৰি ৰ’ল !
নদ নদী শুকাই গ’ল
বালি পৰি ৰ’ল !
প্রাণ বায়ু উৰি গ’লে !
দেহৰ নহয় ক্ষতি..
আপোন কৰমৰ (কৰ্মৰ) মাজে
আছে হেনো গতি ৷
অথিৰ সংসাৰ মাজে
সত্য পথ লোৱা !
সৰ্বজনৰ সুখৰ বাবে
দুখৰ বোজা বোৱা ৷
তুমি কোন মই কোন
কোন কাৰ আপোন
আপোন পৰৰ ৰণক্ষেত্রত
সকলো সপোন !
জীৱন পথৰ সংগ্রামতে
থাকা নিৰ্বিকাৰ ..
হাঁহি হাঁহি জীয়াই থকাৰ
কৰা অঙ্গীকাৰ ..
হাঁহি হাঁহি জীয়াই থকাৰ
কৰা অঙ্গীকাৰ ..
হাঁহি হাঁহি জীয়াই থকাৰ
কৰা অঙ্গীকাৰ ৷৷
** কৰমৰ = কৰ্মৰ
(ভূপেন হাজৰিকাদেৱৰ গীত)
(ইউনিক'ডীয়
ৰূপান্তৰ - দিগন্ত শইকীয়া)
No comments:
Post a Comment