সুৰাত মগন ভয়াল ৰাতি

সুৰাত মগন ভয়াল ৰাতি

মৌন কোলহল

মই যেন ৰ’দৰ বিলাপ

শব্দৰ সমদল ৷

সুৰাত মগন ভয়াল ৰাতি

মৌন কোলহল

মই যেন ৰ’দৰ বিলাপ

শব্দৰ সমদল ৷

চন্দ্র তৰাক থাপ মাৰি আনি

থেকেচি পেলাবৰ হ’ল

সূৰ্য্যমুখীয়ে সজাব কাহানি

বেথাৰ সমাধিতল

সুৰাত মগন ভয়াল ৰাতি

মৌন কোলহল

মই যেন ৰ’দৰ বিলাপ

শব্দৰ সমদল ৷

নিয়ম পিয়াসী সন্তানবোৰে

নিয়ম নমনা হ’ল

মাতৃৰ চকু ঘন কুৱঁলীৰ

গহ্বৰ হৈ গ’ল ,

শগুণে সদায় সভাকে পাতে

ভাষন পৰি ৰ’ল

দিনবোৰ আমাৰ মৃত হৰিণৰ

বেঁকা শিং যেন হ’ল

মই যেন এক ৰ’দৰ বিলাপ

শব্দৰ সমদল ৷৷

(ভূপেন হাজৰিকাদেৱে ৰচা জয়ন্ত হাজৰিকাদেৱৰ কন্ঠেৰে নিগৰিত )

(কথাছবি: বৃষ্টি, ১৯৭৮ চন)

(ইউনিক'ডীয় ৰূপান্তৰ - দিগন্ত শইকীয়া)